(CIS-intern) – Dat gifft een frische plattdüütsche Podcast mit Catrin Fritsche-Cardell ut Berlin un Gaby Becker-Jensen ut Schwedeneck. Wi ünnerholen uns dorin över dat ganz normale Leven, över dat Mitenanner in´t Dörp fröher un hüüt, över dat Weggahn und Wedderkamen, över dat Öllerwarrn, doröver wat wi so besünners finnen an dat Plattdüütsch snacken un allens Möögliche wat sunst noch so ansteiht.
Wi beide sünd in Immenstedt, Kreis Nordfreesland groot wurrn und seker kennt uns de eene oder annere uk noch vun fröher. As Kinner hebbt wi noch hochdüütsch snackt mitenanner.
Vör veel Johren sünd wi wegtrocken ut unse lütte Dörp. Wi beiden sünd uns aver in unse oole Heimat immer wedder in de Mööt kamen. Intwüschen bekieken wi uns veeles, wat fröher so los weer, nochmal mit ganz annere Ogen. Un doröver ünnerholen wi uns op Platt. Dat hett unse Welt verännert, wi finnen: „Plattdüütsch lett mehr Hart dörchblitzen“.
Wer mal hören much, wodennig sik dat anhört in unse Podcast- dat is nu dorbi ruutkamen:
https://anchor.fm/gaby-becker-jensen
Man kann uns ok schrieven: oole-doerpsdeerns@web.de
Foto: Catrin Fritsche-Cardell und Gaby Becker-Jensen
